*बदमासी तिम्रा यादहरू* -कबिता

"बदमासी तिम्रा यादहरू"

तिमीलाई मन पर्छ कि नाई ?
मा……थी अाकाशमा झुण्डिएकाे चम्किलाे तारालाई
तिमी ठानेर म टाेलाईरहेकाे !

र मनपर्छ कि पर्दैन ?
त्यहि ताराकाे छेवैमा तिम्राे नाम
सबैले देख्ने गरी यी हातहरूले लेखेकाे
ठूला-ठूला अक्षरहरूमा !

अाज मन साह्रै बाैलाएकाे छ !

तिम्राे याद खुब अाएर हाेला
खाडीमा उभिएकाे म सुत्ने घरकाे काेठासम्म
मलाई निदाउन दिएका छैन्न
बदमासी तिम्रा याहरूले !

त्यसैले त हाेला,
याे खाली पानामा रातैभरी लगाएर
बनाउन मन लागेकाे छ
दुरूस्तै तिम्राे अाकृति !
जहाँ अटाउनै पर्नेछ
मलाई बिदाई गरेका अन्तिम नजरहरू
मलाई नजानुस् भनिरहेका त्यी अाेठहरू
र मुर्छा परेर रूनै लागेकाे मलिन अनुहार

र फ्ल्यास ब्याकमा अटाउनु छ
सानै भएपनि पुरानाे घर
अागन , फुलबारी र बार्दली
जुन दृष्यहरूमा टाेलाईरहदा  पनि
मैले पुरै तिम्राे अनुहार देख्छु !

तर अँ हँ ,
याे सब गरेकाे तिमीलाई मन पर्दैन !

यस्ताे त एक तर्फी मायाँ गर्नेहरूले गर्छन्
सराव पिएर कसैकाे अाश बाेक्नेहरूले गर्छन्
फटाहाहरूले गर्छन्
अावराहरूले गर्छन्
जुन मलाई तिमीले नभईदिए हुने ठान्छ्याै !

-१७ श्रावण २०७३